Sunday Apr 20, 2014
| Text Size
[-]
[+]
Search IPPmedia

Wakurugenzi Sengerema, Misungwi waendelea kupeta

18th May 2012
Print
Comments
Waziri Mkuu, Mizengo Pinda.

Mkurugenzi Mtendaji wa Halmashauri ya Wilaya ya Sengerema, Erica Mussika, na Mkurugenzi Mtndaji  wa Halmashauri ya Wilaya ya Misungwi mkoani Mwanza, Xavier Tilweselekwa, hawajakamtwa, kinyume na agizo la Waziri Mkuu, Mizengo Pinda.

Pinda aliagiza wasimamishwe kazi na kukamatwa kisha wafikishwe mahakamani kutokana na halmashauri zao kubainika kufuja fedha za umma.

Habari za uhakika zinadai kuwa wakurugenzi hao wanaendelea  kufanya kazi kama kawaida. “Bado  Mkurugenzi Mtendaji wa hapa kwetu Sengerema anaendelea na kazi; na mpaka  sasa yuko Dodoma kikazi,” kilidai chanzo chetu cha habari katika wa Halmashauri ya Wilaya ya Sengerema, kwa sharti la kutotajwa jina gazetini.

Habari zinasema kuwa Mkurugenzi huyo anaendelea  kufanya kazi kwa vile hajatumiwa barua rasmi inayomuamuru akabidhi ofisi.

“Mkurugenzi wetu bado yuko kazini kama kawaida, hata jana (juzi) alikuwa kazini kama kawaida,” kilidai chanzo kingine cha habari kutoka Halmashauri ya Wilaya ya Misungwi.

Inadaiwa kwamba Tilweselekwa anaendelea na kazi na kwamba bado hajakamatwa wala kuhojiwa  kama alivyoagiza Waziri Mkuu Pinda.

Mkuu wa Mkoa wa Mwanza, Evarist Ndikilo, hakupatikana kuzungumzia suala hilo.

Mei 9, mwaka huu, Pinda aliagiza wakurugenzi  wa halmashauri za wilaya za Sengerema na Misungwi  wakamatwe na kufikishwa kortini kwa tuhuma za ubadhilifu  wa fedha za umma.

SOURCE: NIPASHE
0 Comments | Be the first to comment