Shule hiyo ni moja kati ya shule zilizofaidika na mpango wa kampuni hiyo wa shule yetu na kuingiza kwenye ukarabati wa majengo na madarasa na kubadili mazingira ya shule ikiwamo kupatiwa vifaa vya kufundishia pamoja na kompyuta.

 

Akizungumza wakati wa hafla ya kukabidhi vifaa hivyo, Meneja shughuli za kijamii wa Airtel, Hawa Bayumi, alisema kampuni hiyo imedhamiria kuendelea kusadia shule mbalimbali kwa kutoa vifaa ikiwapo vya kufundishia ili kuhakikisha elimu bora inatolewa kwa wanafunzi na jamii kwa ujumla. 

 

“Tunaendelea kuboresha shule ya Kiromo kwa kutoa msaada wa unifomu na viatu kwa wanafunzi. msaada wa sare za shule tunaotoa ni pamoja na kaptula 600, sketi 600, mashati 1,193 na viatu 728, vyote vikiwa na thamani ya Sh. milioni 50” alisema.

 

Alisema Airtel itaendelea kusaidia shule mbalimbali kwa kutoa vitabu na vifaa vya kufundishia, lengo likiwa ni likiwa kuzifikia shule nyingi zaidi katika mikoa yote ya Tanzania.