William Mgimwa

Waziri wa Fedha, Dk. William Mgimwa, amesema katika mwaka wa fedha wa 2011/2012, serikali ilichukua hatua mbalimbali kukabiliana na ukosefu wa ajira nchini, watumishi 34,998 waliajiriwa, wakiwemo walimu 25,000 wa shule za msingi na sekondari.

Pia iliajiri wataalamu 4,499 wa tiba katika sekta ya afya na maofisa ugani 4,499 wa kilimo na mifugo.

Alisema hayo wakati akisoma Bajeti ya Serikali kwa mwaka wa fedha wa 2012/2013 bungeni, mjini Dodoma jana.

Alisema hatua nyingine zilizochukuliwa na serikali kukabiliana na tatizo hilo, ilikuwa ni kuboresha sera na mazingira ya kisheria ya kuwezesha ukuaji wa sekta binafsi na kupanua huduma za kifedha.

Huduma hizo za kifedha, ni pamoja na kutoa mtaji mpya kwa Benki ya Rasilimali Tanzania (TIB), Benki ya Wanawake Tanzania, Benki ya Posta (TPB) na Benki ya TwigaBancorp; na kuwezesha kuanzisha mikopo na kukodisha kampuni ya fedha.

Alisema hatua nyingine zilizochukuliwa ni pamoja na utekelezaji wa ujenzi wa miradi ya miundombinu, barabara hasa, umeme, kilimo na mawasiliano ya simu na kuwezesha watu kwa njia ya mipango mbalimbali ya uwezeshaji.

Pia alisema taasisi nyingine kadhaa, ikiwamo Mfuko wa Maendeleo ya Jamii (Tasaf), SELF, Shirika la Kuhudumia Viwanda Vidogovidogo (SIDO), Benki ya Jamii na Schemes Dhamana ya kusimamiwa na Benki Kuu ya Tanzania (BoT), zilichangia ajira.

Alisema pia serikali iliendelea na juhudi za kupunguza urasimu katika kupitisha mizigo kutoka bandari kwa kuanzisha mfumo wa umeme kwa ajili ya kuwasilisha nyaraka husika kuagiza kabla ya kuwasili kwa bidhaa.

Waziri Mgimwa alisema mpango huo una lengo la kupunguza msongamano wa mizigo na kupoteza nyaraka na umesaidia kupungua kwa kiasi kikubwa kwa muda wa kutumika pamoja na uagizaji na gharama za usafirishaji.