RC Mongella aipa kongole MWAUWASA

29Jun 2020
Neema Emmanuel
MWANZA
Nipashe
RC Mongella aipa kongole MWAUWASA

Mkuu wa Mkoa wa Mwanza, John Mongella ameipongeza Mamlaka ya Maji na Usafi wa Mazingira ya Jijini Mwanza (MWAUWASA) kwa kutekeleza vyema mradi wa ujenzi wa tenki la majisafi katika mji wa Ngudi wilayani Kwimba.

Mradi huo wa tenki la kuhifadhia maji unagharimu  zaidi ya million 490 ambazo zinatolewa na Serikali kupitia Wizara ya Maji ambapo ujenzi wake unatarajia kukamilika Agosti mwaka huu.

"Hongera sana Kaimu Mkurugenzi wa MWAUWASA Mhandisi Leonard Msenyele mnafanya kazi nzuri kwa manufaa ya wananchi kweli inapendeza imani yangu wananchi watanufaika nao ipasavyo" amesema Mongella.

Naye Mhandisi wa maji MWAUWASA Chacha Mwita  alieleza kuwa wastani wa utekelezaji wa kazi zote za ujenzi tenki hilo lenye lita za ujazo 2,000,000  umefikia asilimia 80.

" Tenki hili linapata maji kutoka KASHWASA na linategemewa kuhudumia wakazi wapatao 37,000 wa mji wa Ngudi." alieleza Mwita.

Habari Kubwa