Shirika latoa msaada wa baiskeli kwa mtoto mwenye ulemavu

26Jan 2021
Hamisi Nasiri
MTWARA
Nipashe
Shirika latoa msaada wa baiskeli kwa mtoto mwenye ulemavu

SHIRIKA la Kalamu Education la Dar es salaam limetoa msaada wa baiskeli ya magurudumu matatu ( Wheel Chear) kwa mtoto mwenye ulemavu wa viungo, Anafi Abdallah mkazi wa kata ya Migongo mtaa wa Nangaya wilayani Masasi mkoani Mtwara, anayesoma kidato cha kwanza Shule ya Sekondari ya Nangaya ya Masasi.

Akitoa msaada huo leo mjini Masasi, Mratibu wa Shirika hilo Tawi la Masasi, Hussein Mchomolo amesema kuwa Shirika hilo limeamua kutoa msaada wa baiskeli kwa mtoto huyo baada ya kuguswa na uhitaji wa kifaa hicho.

 Amesema kuwa Shirika hilo limekuwa likifanya hivyo kwa watoto mbalimbali ambao ni walemavu na wanauhitaji wa misaada ya kijamii ili na wao waweze kujihisi kama watu wengine ambao sio walemavu.

Mchomolo, amesema kuwa Shirika hilo linafanya kazi hizo za kijamii katika mikoa mbalimbali nchini ikiwemo Dar es saalam , Ruvuma , Lindi na Mtwara.

Habari Kubwa