Vikundi vilivyopokea mikopo vyapewa wiki moja kuripoti TAKUKURU Mwanza

14May 2022
Vitus Audax
MWANZA
Nipashe
Vikundi vilivyopokea mikopo vyapewa wiki moja kuripoti TAKUKURU Mwanza

Serikali mkoani Mwanza imetoa wiki moja kwa vikundi vyote vilivyochukua mikopo kufika ofisi ya TAKUKURU kufanyiwa uhakiki wa uhai wake.

Mkuu wa Mkoa wa Mwanza Mhandisi Robert Gabriel.

Akizungumza katika semina kwa kamati ya uchumi na fedha Wilaya ya Misungwi juu ya utoaji wa mikopo inayotokana na asilimia 10 ya pato la halmashauri kwa vikundi vya wanawake vijana na watu wenye ulemavu, wilayani Misungwi.

Mkuu wa Mkoa wa Mwanza Mhandisi Robert Gabriel, amesema kuwa vikundi vyote vilivyopokea fedha hizo za mikopo vinatakiwa kufika ofisi ya TAKUKURU Wilaya ya Misungwi kuhakikiwa na baada ya hapo ofisi ya mkoa ili kubaini vikundi hewa na kupata njia nzuri ya kuvisaka rasmi. 

"Tumelizungumzia sana hili, sasa nawaagiza mkavipatie taarifa kwa njia yoyote hata kwa kuwapigia simu wahusika wa vikundi vyote mlivyovikopesha kufika haraka iwezekanavyo ndani ya wiki moja ili tupate kujua vikundi vipi ni hai na changamoto zao ni zipi.

Pia vikundi ambayo havitafika katika ofisi za TAKUKURU hivyo ndivyo tutaanza kupambana navyo maana ndivyo vikundi hewa vinavyotusumbua." amesema Mhandisi Gabriel.

Habari Kubwa