Waziri aagiza Muhandisi akamatwe

14Feb 2018
Na Mwandishi Wetu
Nipashe
Waziri aagiza Muhandisi akamatwe

Naibu waziri wa maji Mhe Jumaa Aweso ameagiza mhandisi wa manispaa ya Temeke Damas Shirima kukamatwa na kuhojiwa na polisi kwa kosa la kutoa maelezo yasiyo ridhisha juu ya utekelezaji wa mradi wa maji wa mwasongo uliopo Kigamboni Dar es salaam.

Naibu Waziri wa Maji na Umwagiliaji, Jumaa Aweso, akiwa na mbunge wa Segerea, Bonna Kaluwa wakikagua bonde la mto Msimbazi linalozidi kuchimbika katika eneo la Stakishari jijini Dar es Salaam juzi wakati wa ziara ya naibu Waziri ya kukagua miundombinu ya maji katika jimbo hilo. PICHA: HALIMA KAMBI

Akizungumza katika majumuisho ya siku yake ya pili ya ziara yake jijini Dar es salaam Mhe Aweso amesema kuwa serikali haiwezi kunyamaza kimya pale inapooneka miradi ya maji inahujumiwa waziwazi na kwamba watahakikisha wale wote ambao wanagundulika kuhujumu miradi ya maji hatua za kisheria zitachukuliwa dhidi yao.

Awali mbunge wa jimbo la Kigamboni ambaye pia ni Naibu Waziri wa Afya Dkt. Faustine Ndugulile amesema kuwa jimbo lake bado linachangamoto ya upatikanaji wa maji kwa baadhi ya maeneo ambapo amehaidi kulisimamia suala hilo ili wananchi waondokane na kero hiyo. 

Habari Kubwa