EATV yazindua tamthilia ya 'Siri za Familia'

21Apr 2016
Faustine Feliciane
Dar es Salaam
Nipashe
EATV yazindua tamthilia ya 'Siri za Familia'

KITUO cha Televisheni cha EATV, jana kilizindua rasmi tamthili ya yenye maudhui ya Kitanzania ya Siri za Familia itakayoanza kurushwa hewani kuanzia Aprili 25 mwaka huu.

Mkurugenzi wa vipindi wa kituo cha televisheni cha EATV, Lydia Igarabuza (wapili kushoto waliokaa) akiwa katika picha ya pamoja na wasanii wa mchezo wa tamthilia kutoka kampuni ya Janson Production mara baada ya mkutano na waandishi wa habari kuhusu kurushwa kwa mchezo wa kuigizwa ujulikanao kama ‘Siri ya Familia’ambao utarushwa na kituo hicho kuanzia tarehe 25 mwezi huu.. PICHA: SELEMANI MPOCHI

Akizungumza wakati wa hafla ya kuzindua tamthilia hiyo, Mkuu wa Vipindi wa EATV, Lydia Igarabuza alisema kituo chake kimeongeza vipindi kwa watazamaji wake na wanaamini tamthilia hiyo itawaelimisha na kuwafurahisha.

"Pia hii ni sehemu ya kuonyesha vipaji vya Watanzania kwa nchi za Afrika Mashariki ambako kote huko kituo cha EATV matangazo yake yanaonekana," alisema Igarabuza.

Alisema kuwa tamthilia hiyo itaonyeshwa kwa nusu saa kwa siku nne mfululizo kuanzia Jumatatu hadi Alhamisi (kuanzia saa 12:30 jioni mpaka saa 1:00).

Mmoja wa wahusika kwenye tamthilia hiyo iliyotengenezwa na Jason Production ya Dar es Salaam, Mrisho Salehe maarufu kwa majina ya Tito na Carlos, alisema kuwa tamthilia hiyo itaonyesha vitu vinavyotokea kwenye familia.

"Hii ni tamthilia itakayomgusa mtu yeyote kwa sababu yatakayoonekana ni yale ambayo yako kwenye familiza zetu, ndiyo maana tukaiita 'Siri za familia'," alisema Carlos.

Habari Kubwa