Ligi ya Muungano mikono kuanza leo

23Apr 2016
Renatha Msungu
Dar es Salaam
Nipashe
Ligi ya Muungano mikono kuanza leo

LIGI ya mpira wa mikono ya Muungano inayoshirikisha timu za wanawake na wanaume kutoka Tanzania Bara na Zanzibar inatarajia kuanza leo kwenye Uwanja wa Ndani wa Taifa jijini Dar es Salaam.

Wachezaji wa timu ya wanawake Shule ya Sekondali Jitegemee (jezi nyekundu) wakiwania mpira na wachezaji wa timu ya wanawake Shule ya Makongo wakati wa ufunguzi wa mashindano ya Copa Cocacola yatakayo kuwa yakifanyika wakati wa mashindano ya Umiseta.PICHA: MICHAEL MATEMANGA

Timu za JKT (wanawake na wanaume) ndio mabingwa watetezi wa ligi hiyo itakayomalizika Jumanne Aprili 26.

Akizungumza na gazeti hili jana, Ofisa Habari wa Chama cha Mpira wa Mikono Tanzania (TAHA), David Kiami alisema maandalizi ya ligi hiyo yamekamilika na wanatarajia mwaka huu kutakuwa na ushindani mkubwa.

Kiami alizitaja timu za wanaume na wanawake zilizopata nafasi ya kushiriki katika mashindano ya mwaka huu kutoka Bara JKT, Ngome na Magereza wakati Zanzibar itawakilishwa na JKU, Nyuki na KMKM.

Aliwataka wachezaji kuongeza juhudi kwa sababu uteuzi wa wachezaji wa timu ya Taifa ya mchezo huo watachaguliwa kupitia ligi hiyo.

Habari Kubwa