Nyoni aiwahi Zambia CHAN

18Jan 2021
Na Mwandishi Wetu
Dar es Salaam
Michezo
Nipashe
Nyoni aiwahi Zambia CHAN

BEKI wa kati wa Simba na timu ya Taifa, Taifa Stars, Erasto Nyoni, amewasili salama nchini Cameroon na kujiunga na kikosi cha timu hiyo ambacho kesho kitashuka dimbani dhidi ya Zambia kwenye mechi yao ya kwanza ya Kundi D ya michuano ya Afrika kwa Wachezaji wa Ndani, CHAN.

Wachezaji wa Taifa Stars wakiwa mazoezini nchini Cameroon kujiandaa na michuano ya Afrika kwa Wachezaji wa Ndani (CHAN), ambapo kesho watashuka katika Uwanja wa Limbe/Buea nchini humo saa moja usiku kuvaana na Zambia. MPIGAPICHA WETU

Nyoni hakusafiri pamoja na wachezaji wenzake kutokana na kukabiliwa na matatizo ya kifamilia, lakini jana mchana aliwasili Cameroon na kujiunga na kikosi hicho tayari kwa mechi hiyo itakayopigwa kesho kwenye Uwanja wa Limbe/Buea majira saa moja usiku.

Akizungumza na Nipashe kutoka Cameroon jana, Ofisa Habari wa Shirikisho la Soka nchini (TFF), Cliford Ndimbo, alisema tayari Nyoni amewasili Cameroon na kujiunga katika kambi ya Stars.

"Amewasili leo mchana (jana) na moja kwa moja amejiunga na wenzake tayari kwa maandalizi ya michuano inayotukabili, ambapo keshokutwa (kesho) tutacheza dhidi ya Zambia," alisema.

Kuhusu maandalizi ya timu hiyo, Ndimbo alisema yanaendelea vizuri na morali ya wachezaji iko juu kwa timu nzima...soma zaidi kupitia https://epaper.ippmedia.com

Habari Kubwa